Sakshi Sunil Jadhav
कॉफी हे जगातले सर्वात जास्त आवडते पेय मानले जाते. बरेचजण ऊर्जा वाढवण्यासाठी आणि ताजेतवाने वाटण्यासाठी दररोज कॉफी पितात.
तज्ज्ञांच्या मते, कॉफीचा परिणाम प्रत्येक व्यक्तीच्या शरीररचनेवर अवलंबून असतो. ती कधी, किती आणि कोणत्या प्रकारे घेतली जाते यालाही महत्त्व असते.
कॉफीतील कॅफिन शरीरातील अॅड्रेनालिनसारखे ताण निर्माण करणारे हार्मोन्स वाढवते. त्यामुळे इन्सुलिनचे कार्य काही काळ प्रभावित होऊन रक्तातील साखर वाढू शकते.
कॅफिन लिव्हरमध्ये साठवलेला ग्लुकोज रक्तात सोडला जाऊ शकतो. त्यामुळे शरीरातील पेशींना जास्त ग्लुकोज शोषून घेणे कठीण होऊ शकते.
रिकाम्या पोटी कॉफी घेतल्यास कॅफिनचे शोषण जास्त वेगाने होते. त्यामुळे रक्तातील साखरेत तात्पुरती वाढ होण्याची शक्यता जास्त असते.
प्री-डायबिटीज, इन्सुलिन रेझिस्टन्स किंवा टाइप-2 मधुमेह असलेल्या व्यक्तींमध्ये कॉफीचा परिणाम अधिक दिसून येऊ शकतो. त्यामुळे प्रमाणात कॉफी पिणे गरजेचे आहे.
कॉफी जेवणानंतर किंवा हलक्या नाश्त्यासोबत घेतल्याने कॅफिनचे शोषण हळूहळू होते. त्यामुळे रक्तातील साखरेतील अचानक वाढ कमी होण्यास मदत मिळते.
कॉफीत साखर टाकण्याऐवजी स्टेव्हिया किंवा मॉंक फ्रूटसारखे नैसर्गिक स्वीटनर वापरू शकता. यामुळे जास्त साखर टाळता येते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.